KRAKKAKLÚBBURINN KRUMMI

DÝR, FURÐUVERUR OG SPÚANDI ELDFJÖLL!
Laugardaginn 27. október
Kl. 14:00–16:00

Ritsmiðja í umsjá Arndísar Þórarinsdóttur rithöfundar í tengslum við sýninguna Véfréttir – Karl Einarsson Dunganon. 
Í töfrandi umhverfi sýningarinnar veita listaverkin innblástur til sagnagerðar.  

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í fallegu umhverfi.

Með stofnun þessa nýja krakkaklúbbs viljum við veita börnum og  fjölskyldum þeirra tækifæri til þess að njóta góðra stunda saman á Listasafninu. Dagskráin er vönduð og öllum er velkomið að taka þátt, sér að kostnaðarlausu.

Krakkaklúbburinn Krummi er fyrir börn á öllum aldri.


Með Krakkaklúbbnum Krumma vill Listasafn Íslands heiðra Ásgerði Búadóttur myndlistarmann með því að nota skemmtilegar og líflegar klippimyndir úr barnabókinni Rauði hatturinn og krummi eftir Ásgerði, sem innblástur og merki barnastarfsins.