• lógó gluggi

KRAKKAKLÚBBURINN KRUMMI - JÓLAKORTAGERÐ Í SAFNI ÁSGRÍMS JÓNSSONAR

KRAKKAKLÚBBURINN KRUMMI

BRÁÐUM KOMA BLESSUÐ JÓLIN - JÓLAKORTAGERÐ Í SAFNI ÁSGRÍMS JÓNSSONAR, BERGSTAÐASTRÆTI 74

Laugardaginn 8. desember  
Kl. 14:00–16:00 
Það er fátt jafn fallegt og heimagerð jólakort! 
Verið velkomin í jólakortagerð í Safni Ásgríms Jónssonar. 

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í fallegu umhverfi.

Með stofnun þessa nýja krakkaklúbbs viljum við veita börnum og  fjölskyldum þeirra tækifæri til þess að njóta góðra stunda saman á Listasafninu. Dagskráin er vönduð og öllum er velkomið að taka þátt, sér að kostnaðarlausu.

Krakkaklúbburinn Krummi er fyrir börn á öllum aldri.


Með Krakkaklúbbnum Krumma vill Listasafn Íslands heiðra Ásgerði Búadóttur myndlistarmann með því að nota skemmtilegar og líflegar klippimyndir úr barnabókinni Rauði hatturinn og krummi eftir Ásgerði, sem innblástur og merki barnastarfsins.