Listamaður á söguslóðum

  • 31.1.2015 - 22.3.2015, Listasafn Sigurjóns Ólafssonar

Árið 1926 stóðu rithöfundarnir Gunnar Gunnarsson og Johannes V. Jensen fyrir því að gefa út danska þýðingu Íslendingasagna í tilefni þess að árið 1930 voru eitt þúsund ár liðin frá stofnun Alþingis á Þingvöllum.

Danski listmálarann Johannes Larsen (1867-1961) var fenginn til að koma til Íslands og festa á teikni­blokk sína helstu sögu­staði landsins. Teikn­ingunum var ætlað að gefa dönskum lesendum innsýn í atburða­svið sagnanna en ekki vera myndræn lýsing á atburðum eða sagna­persónum.

Johannes Larsen kom tvisvar til Íslands í þessum tilgangi, sumrin 1927 og 1930, og ferðaðist um á hesti, oft við mjög erfið skilyrði, og var aðal­fylgdar­maður hans Ólafur Túbals, bóndi og listmálari frá Múlakoti í Fljótshlíð. Á þessum ferðum sínum teiknaði Johannes Larsen á fjórða hundruð túss­teikninga, og birtust um 200 þeirra í bókunum.

Teikningarnar á þessari sýningu eru í eigu afkomenda listamannsins í Danmörku, Svíþjóð og Banda­ríkjunum. Það er alfarið elju og dugnaði sýningar­stjórans og Íslands­vinarins Vibeke Nørgaard Nielsen að þakka að þessar teikningar koma nú fyrir almennings­sjónir, hér og á Norður­bryggju í Kaup­manna­höfn, fyrr á þessu ári.

Stærstan hluta listaverka Johannesar Larsen; málverk, teikningar, dúk- og tréristur, er að finna á safni hans Johannes Larsen Museet í Kerteminde á Fjóni.

Styrktaraðilar sýningarinnar eru: 
•Johannes Larsen Museet
•Velux Fonden
•Fondet for Dansk-Islandsk Samarbejde
•Familien Hede Nielsens Fond
•TVG-Zimsen
•Danska sendiráðið á Íslandi