Verkstæðið – myndlistarnámskeið haust önn 2024

Listasafn Íslands býður upp á skapandi og spennandi myndlistarnámskeið fyrir börn í nýja
listaverkstæðinu í safninu við Fríkirkjuveg 7. Unnið verður út frá sýningum safnsins þar sem
listaverkin verða rannsökuð og áhersla lögð á að þjálfa lita- og formskynjun þáttakenda, sem fá svo
tækifæri til að nota ólíkan efnivið og vinna í margskonar miðla, eins og málun og skúlptúr.

Markmið námskeiðsins er að fá börn til að nálgast myndlist af meira öryggi og forvitni, þar sem
kennsla fer fram bæði gegnum upplifun, samræðu og vinnu í höndunum. Í lok námskeiðs verður
haldin sýning fyrir vini og fjölskyldu þar sem afrakstur námskeiðsins verður til sýnis.

Mælst er til þess að börn mæti í fatnaði sem hentar fyrir málningarvinnu, sull og gleði! 
Gott aðgengi fyrir öll.

10. september – 3. desember 2024
Tími þriðjudagar milli kl. 15 – 16:30
Aldur 7 – 9 ára (börn fædd 2015 – 2017)

Verð: 53.000 kr.
20% systkinaafsláttur
Takmörkuð pláss í boði. Miðað er við 8 – 10 börn á hverju námskeiði.

Skráning á mennt@listasafn.is er hafin

Til að skrá barn þurfa eftirfarandi upplýsingar að fylgja:
Fullt nafn barns
Kennitala barns
Kennitala og fullt nafn greiðanda
Fullt nafn og símanúmer hjá forráðamanneskju I
Fullt nafn og símanúmer hjá forráðamanneskju II
Annað sem þarf að koma fram (t.d. ofnæmi eða sérþarfir)

Kennari: Marta María Jónsdóttir, myndlistarmaður og sérfræðingur hjá Listasafni Íslands