Þorsteinn Erlingsson og Guðrún Erlingsson

Lágmynd af hjónum. Þorsteinn Erlingsson, skáld og ritstjóri, og Guðrún Erlingsson, kona hans. Einar Jónsson kynnist Þorsteini á námsárum sínum í Danmörku. „Hjá honum var ég tíður gestur um skeið; - hóf að nema þýsku af honum og kom eftir það til hans á hverjum sunnudegi. Drakk ég þá alltaf kaffi hjá honum og ræddi við hann um heima og geima.“ (bls. 104) Þegar Einar er alkominn heim og bygging Safnsins að hefjast, færir Anna, kona hans, Einari þær fréttir að Einar sé látinn. „Í fjöldamörg ár hafði ég þekkt hann, oft verið hjá honum á heimili hans erlendis og aftur svo oft hér heima hjá honum og hans ástríku konu Guðrúnu. Frú Guðrún var úr sama byggðarlagi og ég, og foreldrar hennar og mínir höfðu verið vinafólk.“ (bls. 172) Verkið Á leiði (LEJ-332) er í bronsafsteypu á leiði Þorsteins (1854-1914) í Hólavallagarði í Reykjavík. Innhverf frummynd af vangamyndinni, sjá LEJ-349.

Listasafn Einars Jónssonar

Einar Jónsson: Minningar-Skoðanir. Hafnarfjörður, 1983.