Völuspá

2017

Guðjón Ketilsson 1956-

Endursköpun sköpunarsögunnar, niðurbrot fundins texta og afbygging merkingar hans liggur til grundvallar myndröðinni Völuspá I-VIII & Ragnarök. Grafíkverkin eru níu talsins. Í átta verkum hefur listamaðurinn endurritað 63 erindi hins forna kvæðis í Konungsbók Eddukvæða sem hann teiknar upp í óreglulegt myndmál. Á níundu myndinni hafa öll erindin verið prentuð á eina örk; efnismassi upphlaðins bleksins geymir merkinguna en gerir hana um leið ólæsilega.