Glitrandi sandsmiðja
Á leiðinni upp stigann á Fríkirkjuvegi sjáum við stórt vegglistaverk eftir Rögnu Róbertsdóttur sem glitrar eins og gimsteinar. Við skoðum það með vasaljósum, sjáum ljósið glampa í glerinu og gerum svo okkar eigin listaverk í anda vegglistaverka Rögnu með sandi og náttúrulegum efnum.

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi.

Álfakórónur
Álfar eru náttúruverur sem vernda náttúruna og eru mikilvægur hluti þjóðtrúar okkar. Við skoðum álfaverkin á sýningunni Stattu og vertu að steini og þá sérstaklega hina virðulegu álfadrottningu í verki Finns Jónssonar Stóð ég úti í tunglsljósi.
Svo notum við fjölbreytt efni til að skreyta okkar eigin kórónur sem við búum til saman.

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi.