Styrkir til dvalarsetra eru hluti af menningartengdu ferðastyrkjaáætluninni á Norður- og Eystrasaltslöndunum. Meginmarkmið verkefnisins er að efla menningarlegt og listrænt samstarf á Norður- og Eystrasaltslöndunum með styrkjum til ferðalaga, tengslaneta og starfsemi dvalarsetra.
Tilgangurinn með styrkjunum er að veita dvalarsetrum listamanna á Norðurlöndum og í Eystrasaltslöndunum tækifæri til að taka á móti starfandi listamönnum og fagfólki innan menningargeirans frá öðrum Norður- eða Eystrasaltslöndunum. Dvalarsetrin skulu geta boðið listamönnum dvöl með góðum vinnuskilyrðum, fundarstaði þar sem þeir hitta aðra listamenn ásamt því að koma á samskiptum við lista- og menningarumhverfi staðarins.
Vasulka-stofa og Listasafn Íslands mun óska eftir umsóknum síðar á árinu.