Dagskrá

GÆÐASTUND

LEIÐSÖGN UM SÝNINGUNA MUGGUR - GUÐMUNDUR THORSTEINSSON

  • 13.10.2021, 14:00 - 15:00, Listasafn Íslands

13. október kl. 14

Muggur
Leiðsögn um sýninguna Muggur – Guðmundur Thorsteinsson. Á sýningunni verður skyggnst inn í sérstæðan myndheim Muggs sem spannar víð svið: ævintýraheima þar sem fíngerðir prinsar og prinsessur dvelja í fögrum höllum, tröllaheima myrkurs og ógnar, landslag og sveitasælu á Íslandi, ferðaminningar frá framandi stöðum, náðarheim trúarinnar þar sem Kristur læknar sjúka, en einnig skoplegar og skondnar teikningar og þjóðsögur. 

Gæðastundir í Listasafni Íslands
Dagskráin er ætluð eldri borgurum og er samsett af sérsniðnum leiðsögnum og spjalli við sérfræðinga safnsins um myndlist, yfirstandandi sýningar og starfsemi Listasafns Íslands.

Viðburðirnir skapa tækifæri fyrir gesti til að nálgast myndlistina og menningararf þjóðarinnar á margvíslegan hátt. Ávallt er boðið upp á kaffi og meðlæti á gæðastundum í Listasafni Íslands. Bakkelsið er í boði Brauðs og Co. sem styrkir verkefnið.


Aðgangseyrir á safnið gildir.
Ókeypis fyrir meðlimi Selmuklúbbsins.

Nánari upplýsingar um viðburðina má finna á heimasíðu Listasafns Íslands: www.listasafn.is