Listasafn Íslands og Íslenski Flautukórinn standa fyrir hádegistónleikaröð í Listasafni Íslands. Boðið er upp á fjölbreytta tónlist til þess að vinda ofan af vinnuvikunni og endurræsa skilningarvitin.
Tónleikar í Listasafni Íslands, laugardaginn 7. mars kl. 12:10.
Aðgangseyrir á safnið gildir
Flytjendur:
Karen Erla Karólínudóttir, þverflauta
Kristrún Helga Björnsdóttir, þverflauta
Pamela De Sensi, þverflauta
Petrea Óskarsdóttir, þverflauta
Efnisskrá:
Fabio Mengozzi (1980-) - Pavana fyrir þrjár djúpar flautur - world premiere
Þorkell Sigurbjörnsson (1938-2013) - Nú hverfur sól í haf (úts fyrir djúpar flautur Martial Nardeau)
Ingi Garðar Erlendsson (1980-) - Ísa fyrir djúpar flautur
Steingrímur Þórhallsson (1974-) - Eldur og Ís fyrir þrjár alt flautur
Þorkell Sigurbjörnsson (1938-2013) - Heyr himna smiður (úts MN)
Tónleikarnir eru styrktir af Tónlistarsjóði Menntamálaráðuneytisins
Hugmyndin með Andrými í litum og tónum er að fólki gefist kostur á að eiga nærandi stund við samtal milli sjónlistar og tónlistar.
„Við verðum að endurheimta tímann sjálfan. Slíta hugsunina um hámarks afköst, „tíminn er peningar“ og gefa tímanum rými til að streyma í öfuga átt - til okkar.
Við verðum að taka tímann aftur inn í okkur til að leyfa meðvitundinni að anda og óreiðukendum hugum okkar að staldra við og hljóðna. Þetta getur listin gert og söfn í nútímanum rúmað.“
- Bill Viola
Það er tími til að hægja á taktinum í deginum og gefa sér næði til að njóta gersema og gloría.
Markmið samstarfs Íslenska flautukórsins og Listasafns Íslands er að koma á samtali milli safnkosts listasafnsins og sýninga þess við tónlistarlífið í landinu. Ætlunin er að færa gesti listasafnsins og tónlistarunnendur saman í nýrri upplifun í listasafninu þar sem tónlist og myndlist kallast á. Víkka út sjónarhorn listarinnar frá myndrammanum að öllu rýminu sem býr í skynjun okkar. Íslenski flautukórinn býr yfir mikilli tónlistarlegri vídd og flytur tónlist frá öllum tímabilum tónlistarsögunnar. Með hádegistónleikaröðinni er lögð áhersla á að nýta flautuna sem kammerhljóðfæri og má þar heyra tónlist í samspili við önnur hljóðfæri og smærri hljóðfærasamsetningar, allt niður í einleiksverk.