Anna Guðný Ásgeirsdóttir hefur verið ráðin í starf fjármála- og mannauðsstjóra Listasafns Íslands.
Anna Guðný hefur lokið prófum í viðskiptafræði og opinberri stjórnsýslu og er með próf í líffræði.Anna Guðný var sviðsstjóri fjármála- og þjónustusviðs Þjóðminjasafns Íslands 2000-2018. Hún hefur mikla reynslu á sviði reksturs, mannauðsmála, öryggismála og umsýslu fasteigna og býr yfir yfirgripsmikilli þekkingu á málefnum safna.
Við bjóðum Önnu Guðnýju velkomna til starfa hjá Listasafni Íslands.