Krakkaklúbburinn Krummi

Komið og kynnist tröllunum Ūgh og Bõögâr!Bõögâr!
Þetta er listasmiðja sem sannarlega mun koma á óvart, því að tröllin elska að skapa með börnum.
Umsjón með smiðju: Ariana Katrín

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi. Með stofnun krakkaklúbbsins vill Listasafn Íslands veita börnum og fjölskyldum þeirra tækifæri til þess að njóta góðra stunda saman á safninu. Dagskráin er vönduð og öllum er velkomið að taka þátt, sér að kostnaðarlausu.