Börn í myndlæsisþjálfun, sitjandi á gólfi fyrir framan listaverk.

Sjónarafl - þjálfun í myndlæsi

Því lengur sem að við horfum á listaverk, því meira sjáum við!

Listasafn Íslands hóf á haustmánuðum nýtt þróunarverkefni sem ber heitið Sjónarafl – þjálfun í myndlæsi en verkefnið miðar að því að auka þekkingu og skilning ungmenna á myndlist og sjónrænum menningararfi þjóðarinnar. Verkefnið hefur verið í þróun síðustu misserin innan safnsins en framkvæmd þess hófst með samstarfi við Barnaskóla Hjallastefnunnar.

Verkefnið felur í sér þjálfun og valdeflingu barna til að skilja og takast á við myndrænar upplýsingar á tímum nýrrar tækni og nýrra miðla. Er það von Listasafns Íslands að verkefnið muni stuðla að auknum sýnileika myndlistar og að listaverk öðlist ríkari þátt við menntun komandi kynslóða. Vonir standa til þess að verkefnið muni festast í sessi sem þáttur af safnfræðslu Listasafns Íslands sem kennarar og nemendur á grunnskólastigi muni njóta góðs af um allt land. 

Um þessar mundir er verið að vinna í rafrænu kennsluefni sem kynnt verður til skólastjórnenda og kennara um land allt haustið 2022.

Nánari upplýsingar um Sjónarafl veitir Ragnheiður Vignisdóttir, verkefnastjóri fræðslu og viðburða.
ragnheidur@listasafn.is

Verkefnið miðar að því að auka þekkingu og skilning ungmenna á myndlist og sjónrænum menningararfi þjóðarinnar.

Hér má sjá innslag þar sem KrakkaRúv fjallaði um Sjónarafl í Listasafni Íslands

Fjársjóður íslenskrar myndlistar

Safnið er opið alla daga frá 10 — 17