Guðmunda Andrésdóttir

Guðmunda Andrésdóttir er einn helsti fulltrúi abstraktlistarinnar í íslenskri myndlist og ein fárra kvenna er fylgdi þeirri stefnu hér á landi. Guðmunda stundaði list sína af mikilli einurð og liggur eftir hana fjöldi verka sem bera vott um persónulega listsköpun og næma tilfinningu fyrir þeim lögmálum sem ríkja á myndfletinum. Guðmunda var trú abstraktlistinni allan sinn feril en verk hennar eru þó ekki öll steypt í sama mót eins og sést glögglega þegar list hennar er skoðuð í heild.