Jacqueline með gulan borða

Brjóstmynd Picassos frá 1962, Jacqueline með gulan borða (Jacqueline au ruban jaune á frönsku), á sér merkilega sögu. Heimildir geta þess að símskeyti hafi borist forseta Íslands frú Vigdísi Finnbogadóttur 27. júlí 1986, daginn sem sýningu lauk á 55 verkum Picassos á Listasafni Reykjavíkur – Kjarvalsstöðum undir heitinu Exposition Inattendue eða Óvænt sýning. Sýningin var hluti Listahátíðar í Reykjavík 1986 og Jacqueline Roque Picasso lánaði verkin á sýninguna, þar á meðal brjóstmyndina af sér úr hálfs metra hárri, tilskorinni og sveigðri járnplötu, með máluðum vangasvip Jacqueline á hvorri hlið. Áðurnefnt símskeyti svohljóðandi: „Voulez-vous accepter Jacqueline elle est à vous merci amitiés“ eða „Viljið þér þiggja Jacqueline hún er yðar þökk vinarkveðjur“. Skorinorðara gat það ekki verið, og frú Vigdís þáði þessa veglegu gjöf með þökkum fyrir hönd þjóðarinnar. Höggmyndin er ein af 400 portrettmyndum sem Picasso gerði af konu sinni, en auk brjóstmyndarinnar voru fjögur málverk af henni á sýningunni. Jacqueline með gulan borða er mótuð og máluð ári eftir að hjónaleysin gengu með leynd í það heilaga í ráðhúsinu í Vallauris. Eins og svo mörg Miðjarðarhafsverk Picassos dregur brjóstmyndin dám af Parísardömunni svokölluðu (La Parisienne), freskubroti af gyðju frá 15. öld fyrir okkar tímatal, sem fannst í höllinni í Knossos á Krít.     Picasso’s 1962 bust Jacqueline with a Yellow Ribbon (French Jacqueline au ruban jaune) has an interesting history. On 27 July 1986, the final day of the Exposition Inattendue (Surprise Exhibition) of 55 works by Picasso at the Reykjavík Art Museum – Kjarvalsstaðir, President Vigdís Finnbogadóttir received a telegram. Among the works on loan to the exhibition, which was part of the Reykjavík Arts Festival 1986, was the bust of by the artist’s widow Jacqueline Roque Picasso, half a meter in height, made of a cut and curved iron sheet, with a profile of Jacqueline painted on each side. The telegram, sent by Jacqueline, read: “Voulez-vous accepter Jacqueline elle est à vous merci amitiés” (“Will you accept Jacqueline she is yours thank you regards”). Short and to the point. The president was quick to reply with thanks that she would accept the gift on behalf of the Icelandic nation. The sculpture is one of 400 made by Picasso of his wife/muse; another four of them were shown at the Exposition Inattendue. Jacqueline with a Yellow Ribbon was made after the couple were secretly married at the Vallauris town hall. Like many of Picasso’s Mediterranean works, the bust displays the influence of The Parisian Girl (La Parisienne), a fragmentary fresco of a goddess from the 15th century BC in the ancient palace of Cnossos, Crete.