Daffy III

Bjarni Sigurbjörnsson stundaði nám í myndlist við San Francisco Art Institute. Í verkum sínum reynir Bjarni á mörk málverksins og leikur með efni málverksins og samtvinnun við aðra miðla. Bjarni hefur þróað málverk þar sem hann vinnur með litaflæði og blöndun lita, vatns og olíu á plexígler. Blöndun þessara efna skapar átök á myndfletinum og koma af stað sköpunarferli sem vinnur sig að hluta til sjálft og að hluta til með inngripi listamannsins. Verk Bjarna hafa verið sýnd víða í Evrópu og Bandaríkjunum, þar á meðal á alþjóðlega tvíæringnum í Los Angeles 2003.