Lífsblómið

Fullveldi Íslands í hundrað ár

17.7.2018 — 16.12.2018

Listasafnið

Salur

1

17.7.2018 16.12.2018

Sýningarstjóri

Sigrún Alba Sigurðardóttir

Umsjón með viðburðum og fræðslu

Ragnheiður Vignisdóttir

Sýningarhönnun

Snædís Þorsteinsdóttir

Hrefna Björg Þorsteinsdóttir

Hólmfríður Ósmann Jónsdóttir

Forvarsla

Ólafur Ingi Jónsson

Í samvinnu með

SýninginLífsblómið fjallar um fullveldi Íslands í 100 ár. Titillinn er sóttur í skáldsögu Halldórs Laxness Sjálfstætt fólk, sem gerist á þeim tíma er Ísland varð fullvalda ríki. Rétt eins og þetta þekkta bókmenntaverk fjallarLífsblómiðum hina djúpu þrá eftir sjálfstæði. Hún fjallar einnig um það hversu dýrmætt en um leið viðkvæmt fullveldið er. Í hundrað ára sögu fullveldisins hafa ýmsar ógnir steðjað að og varða þær bæði fjárhagslegt sjálfstæði þjóðarinnar, verndun náttúrunnar og þátttöku og ábyrgð í alþjóðlegu samstarfi. Fullveldið er ekki sjálfgefið og því þurfum við að hlúa vel að því. Rétt eins og lítil en harðgerð jurt þarf fullveldið á næringu að halda og þessi næring felst meðal annars í því að skiptast á skoðunum og deila heiminum með öðrum.

Vetrarmynd af Hverfisgötu. Á myndinni eru nokkur hús og ein kona. Morgunbirtan lýsir verkið upp og snjór er yfir öllu.

Ásgrímur Jónsson 1876-1958

Morgun í Reykjavík, Hverfisgatan, 1912-1914

LÍÁJ-533/29

Í ljóðinu „Þjóðin og ég“ yrkir Steinn Steinarr um „hina þjóðfrægu menn og hinn þungbúna nafnlausa skara,” og minnir okkur þannig á að saga þjóðarinnar er ekki aðeins saga hinna þjóðfrægu manna, heldur ekki síður fólksins í landinu; fólks af ólíkum uppruna, stétt og stöðu sem hefur átt sinn þátt í að móta sögu fullvalda þjóðar síðustu 100 árin. Á sýningunniLífsblómið er því lögð áhersla á að tefla saman hinu stóra og smáa, opinberu lífi og einkalífi.

Muggur 1891-1924

Kolaburður í Reykjavík, 1919

LÍ-1088

Að sýningunni standa Stofnun Árna Magnússonar í íslenskum fræðum, Þjóðskjalasafn Íslands og Listasafn Íslands. Handrit, skjöl og myndlistaverk frá þessum stofnunum mynda kjarnann í sýningunni. Auk þess hafa önnur söfn og stofnanir, sem og einkaaðilar, bæði hér á landi og í Danmörku, lánað verk á sýninguna. Myndlistin ljær umræðunni um ýmis átakamál á fullveldistímanum rödd og ýmsar sögulegar heimildir veita okkur aðgang að hugsun og lífi þeirra sem horfin eru á braut. Í hjarta sýningarinnar er að finna handrit og mikilvæg skjöl er varða íslenska menningu og snerta sjálfsmynd þjóðarinnar, sjálfstæðisbaráttuna og fullveldi Íslands.

24.5.2019 — 29.9.2019

Fjársjóður íslenskrar myndlistar

Safnið er opið alla daga frá 10 — 17