Orka
Steina
14.9.2017 — 22.4.2018
![](/_next/image/?url=https%3A%2F%2Fimages.prismic.io%2Flistasafn-islands%2F0ddb3bd0-b05e-47d0-b380-7fe2919ed4e2_orka_9_skjair2.jpg%3Fauto%3Dcompress%2Cformat&w=3840&q=100)
Steina (Steinunn Briem Bjarnadóttir Vasulka) var fyrst íslenskra myndlistarkvenna fulltrúi þjóðarinnar á Feneyjatvíæringnum.
Vasulka-stofa sýnir nú vídeóinnsetningu hennar Orku, sem Steina sýndi í íslenska skálanum í Feneyjum árið 1997.
Í verkinu birtist íslensk náttúra áhorfandanum á áhrifaríkan hátt, ekki síst vegna stafrænnar úrvinnslu Steinu á upptökum frá Íslandi. Steina leitast við að miðla annars konar sýn á íslenska náttúru í verkum sínum, þar sem áhorfandinn sér landslagið með öðrum augum en sínum eigin – augum vélarinnar.
Á sýningunni má einnig sjá brot úr gagnasafni Vasulka-stofu.
Steina og Woody Vasulka hafa haldið vel utan um arfleifð sína og varðveitt þau gögn sem tengjast list þeirra og starfi. Við stofnun Vasulka-stofu, undir lok árs 2014, gáfu þau Listasafni Íslands stóran hluta af gagnasafni sínu til varðveislu, en í því er meðal annars að finna upprunaleg listaverk, skissubækur, heimildarmyndir, bókasafn, ljósmyndir, sýningarskrár, viðurkenningar, greinar, plaköt og persónuleg skjöl.
![](/_next/image/?url=https%3A%2F%2Fimages.prismic.io%2Flistasafn-islands%2F71afea4b-2561-428d-991b-fd1cffadf32d_La-Mer---%25C2%25A9-Ange-Leccia-ADAGP---2014.jpg%3Fauto%3Dcompress%2Cformat&w=3840&q=100)