Dagskrá

Safneign Listasafns Íslands / leiðsögn í Safnahúsinu

  • 12.8.2020, 12:15 - 13:00, Listasafn Íslands

Miðvikudaginn 12. ágúst leiðir Dagný Heiðdal varðveislu- og skráningarstjóri gesti um sýninguna Sjónarhorn í Safnahúsinu við Hverfisgötu.

Sjónarhorn er grunnsýning á sjónrænum menningararfi Íslendinga en þar eru sýnd verk úr safneign Listasafns Íslands, Þjóðminjasafns Íslands, Náttúruminjasafns Íslands, Þjóðskjalasafns Íslands, Landsbókasafns Íslands – Háskólabókasafns og Stofnunar Árna Magnússonar.

Sýningin er ferðalag um íslenskan myndheim fyrr og nú. Í sjö álmum Safnahússins við Hverfisgötu eru jafn mörg sjónarhorn sem tengja saman ólík listaverk og áhugaverða muni, þvert á efni og tímabil.

Á sýningunni eru um 130 verk í eigu Listasafns Íslands og er sjónum sérstaklega beint að þeim í leiðsögninni.

Verið öll velkomin.

Tengiliður dagskrár: Guðrún J. Halldórsdóttir gudrun@listasafn.is