HÁDEGISTÓNLEIKAR – ÍSLENSKI FLAUTUKÓRINN

27.9.2016

Íslenski flautukórinn og Listasafn Íslands standa fyrir hádegistónleikaröð í Listasafni Íslands. Síðasta föstudag hvers mánaðar er boðið upp á fjölbreytta tónlist til þess að vinda ofan af vinnuvikunni og endurræsa skilningarvitin. Að tónleikunum loknum býður Kaffistofa listasafnsins upp á hádegisverðartilboð.

Aðgangur er ókeypis.

Yfirskrift tónleikanna er titill á mósaíkverki Valtýs Péturssonar sem er hluti af nýopnaðri yfirlitssýningu um listamanninn.

Efnisskrá:

Franz Anton Hoffmeister (1754 - 1812)

Concertante Sonate fyrir tvær flautur

Sonata, Allegro

Aria, poco Adagio

Rondo

Björg Brjánsdóttir (1993 -)

Hugleiðingar um þrjú íslensk þjóðlög

Friedrich Kuhlau (1786 - 1832) 

Dúett fyrir tvær flautur Op. 81

Allegro vivace

Adagio

Rondo, Allegro non tanto

 

Flytjendur:

Berglind StefánsdóttirKaren Erla Karólínudóttir

Tónleikarnir eru styrktir af Tónlistarsjóði Menntamálaráðuneytisins

Markmið samstarfs Íslenska flautukórsins og Listasafns Íslands er að koma á samtali milli safnkosts listasafnsins og sýninga þess við tónlistarlífið í landinu. Ætlunin er að færa gesti listasafnsins og tónlistarunnendur saman í nýrri upplifun í listasafninu þar sem tónlist og myndlist kallast á. Víkka út sjónarhorn listarinnar frá myndrammanum að öllu rýminu sem býr í skynjun okkar. Íslenski flautukórinn býr yfir mikilli tónlistarlegri vídd og flytur tónlist frá öllum tímabilum tónlistarsögunnar. Með hádegistónleikaröðinni er lögð áhersla á að nýta flautuna sem kammerhljóðfæri og má þar heyra tónlist í samspili við önnur hljóðfæri og smærri hljóðfærasamsetningar, allt niður í einleiksverk.

Fjársjóður íslenskrar myndlistar

Safnið er opið alla daga frá 10 — 17