Sérfræðingur í fræðslu og miðlun
Listasafn Íslands er eign íslenska ríkisins og er höfuðsafn á sviði myndlistar. Listasafn Íslands rekur söfn á þremur stöðum í Reykjavík: Á Fríkirkjuvegi 7, í Safnahúsinu við Hverfisgötu og í Húsi Ásgríms Jónssonar á Bergstaðastræti 74.
Listasafn Íslands auglýsir eftir sérfræðingi í fræðslu og miðlun á sýningum í Safnahúsinu við Hverfisgötu. Við leitum eftir kraftmiklum og metnaðarfullum starfsmanni til að ganga til liðs við okkur og takast á við fjölbreytt og krefjandi verkefni í þeirri menningar- og menntastofnun sem þjóðlistasafn er.
Helstu verkefni og ábyrgð
- Sinnir safnfræðslu og skólaþjónustu allra skólastiga og samstarfi við kennara og skólastjórnendur.
- Heldur utan um bókanir fyrir leiðsagnir skólahópa og annarra sérhópa.
- Sér um samskipti við kennara, skólastjórnendur og aðra sem vilja bóka leiðsögn og kynningu á safninu, tekur á móti þeim, einnig utan opnunartíma safnsins ef svo ber undir.
- Tekur á móti erlendum hópum og veitir þeim leiðsögn.
- Tekur þátt í þróun og mótun fræðsluverkefna í Listasafni Íslands.
- Kynnir sér dagskrá safnsins og viðheldur þekkingu sinni á sýningum í öllum safnhúsum Listasafns Íslands. Leitar heimilda og aflar sér fræðilegrar þekkingar á hverju sýningarverkefni.
- Vinnur að kynningarefni um fræðslu og skólaþjónustu í safninu.
- Önnur tilfallandi verkefni sem yfirmaður felur honum.
Hæfniskröfur
- Háskólamenntun sem nýtist í starfi.
- Þekking á íslenskri listasögu 20. og 21. aldar.
- Reynsla í kennslu eða miðlun myndlistar.
- Áhugi á málefnum sjálfbærni og samspili myndlistar og vísinda.
- Gott vald á íslensku og ensku í ræðu og riti.
- Tölvufærni er nauðsynleg.
- Þjónustuhugsun, uppbyggilegt viðmót og lipurð í mannlegum samskiptum.
- Frumkvæði og sjálfstæði í starfi, öguð vinnubrögð og rík skipulagshæfni.
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsókn skal fylgja ítarleg náms- og ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Ákvörðun um ráðningu byggist á innsendum gögnum og viðtölum.
Æskilegt er að viðkomandi geti hafið störf í ágúst 2023.
Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði, sbr. reglur nr. 1000/2019 um auglýsingar lausra starfa.
Starfshlutfall er 100%
Umsóknarfrestur er til og með 04.05.2023
Sótt er um starfið á Starfatorgi: https://www.stjornarradid.is/efst-a-baugi/laus-storf-a-starfatorgi/auglysing/?id=33398
Nánari upplýsingar veitir
Ragnheiður Vignisdóttir, fræðslu- og útgáfustjóri - ragnheidur.vignisdottir@listasafn.is