Föstudaginn 23.5.2025 var í þrettánda sinn veittur styrkur út styrktarstjóði Guðmundu Andrésdóttur. Úthlutunin fór fram í Listasafni Íslands við opnun nýrrar yfirlitssýningar á verkum Kristjáns H. Magnússonar, Endurlit. Í úthlutunarnefnd er fulltrúi úr innkaupanefnd og safnstjóri Listasafns Íslands. Í dag hafa 23 listamenn fengið styrki úr sjóðnum. Markmið sjóðsins er að styrkja listamenn til framhaldsnáms í myndlist. Eftirtaldir listamenn hlutu styrk að upphæð einni milljón hver.
Á. Birna Björnsdóttir lýkur mastersnámi frá Institute Art Gender Nature í Basel í lok september en þar eru tekin til skoðunar stærstu áskoranir okkar tíma á skapandi og frjóan hátt. Birna hefur sýnt víða og var meðal annars valin í sýninguna After the sun – forcast from the north sem sett var upp í Bandaríkjunum og Danmörku og fjallaði um ótryggar framtíðarhorfur á tímum mikilla umbreytinga í náttúrunni. Birna hlaut hvatningarverðlaun Myndlistarmiðstöðvar árið 2023.
Geirþrúður Finnbogadóttir Hjörvar en hún hóf fjögura ára doktorsnám í myndlist við Luca listaháskólann í Brussel síðasta haust. Geirþrúður hefur haldið fjölda einkasýninga og vinnur að rannsóknartengdri myndlist þar sem hún horfir gagnrýnum augum á samfélag okkar. Sem vísbending um umfjöllunarefni Geirþrúðar eru nöfn á sýningum og verkum; Vísitala (2023), Minnismerki um gengisfellingar á níunda áratugnum. Ljómynd: Rut Sigurðardóttir
Sölvi Steinn Þórhallsson hóf á þessu ári mastersnám við UniArt í Helsinki en hann hefur sett upp fjölda einkasýninga og tekið þátt í samsýningum hér heima og í Evrópu. Í verkum sínum veltir Sölvi fyrir sér undrum hversdagslegra augnablika og hluta, tilgangi og tilgangsleysi þeirra og vinnur jöfnum höndum með ljósmyndir, innsettningar, skúlptúra, videó og innsetningar.
Fyrir hönd listamannanna tóku á móti styrkjunum:
Alexander Hugo Gunnarsson, vinur Sölva Steins Þórhallssonar, Aðalheiður Kristjánsdóttir, móðir Geirþrúðar Finnbogadóttur og Eik Baldursdóttir, frænka Á. Birnu Björnsdóttur