Vatnslitasmiðja í anda Ásgríms Jónssonar. Möguleikar vatnslitanna eru margir! Komið og málið á safninu, skoðið falleg listaverk og kynnist um leið töfrum vatnslitanna.
Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi. Krakkaklúbburinn Krummi er fyrir börn á öllum aldri!Með stofnun krakkaklúbbsins vill Listasafn Íslands veita börnum og fjölskyldum þeirra tækifæri til þess að njóta góðra stunda saman á safninu. Dagskráin er vönduð og öllum er velkomið að taka þátt, sér að kostnaðarlausu.