Sjónarafl – Viltu læra myndlæsi?

Sjónarafl - Vilt þú læra myndlæsi?
Listasafn Íslands og Listfræðifélagið hafa nú tekið höndum saman þar sem listfræðingar bjóða almenningi í Safnahúsið við Hverfisgötu að læra aðferðir myndlæsis. Gestir fá tækifæri til þess að skoða verk í safneign Listasafns Íslands og taka þátt í samræðum um verkin sem leiddar eru af listfræðingum.
Þátttakendur fá þannig lykla sem að auðvelda þeim að njóta hvaða myndlistar sem er.  Komið og kynnist íslenskri myndlist, verið hjartanlega velkomin!

Óskað er eftir skráningu á þennan viðburð í gegn um netfangið mennt@listasafn.is. Takmarkaður fjöldi.

Þann 30. apríl kl. 14 mun Karina Hanney listfræðingur taka á móti gestum í Safnahúsið við Hverfisgötu.

Karina Hanney Marrero er listfræðingur og listrænn verkefnastjóri. Hún lauk mastersnámi í samtímalistfræði við Goldsmiths háskólan í London árið 2014. Á undanförnum árum hefur hún komið að sýningarverkefnum og skrifum í Reykjavík, London og Winnipeg. Rannsóknarsvið Karinu snýr að jaðarkimum sögunnar, og samfélagslegum og pólitískum birtingarmyndum valds í nútímasamfélagi.