Ekki lengur / No Longer / لَمْ تَعُد

Myndbandsverkið Ekki lengur var gert sem beint viðbragð við árásum ísraelskra hersins í kjölfar árásar Hamas þann 7. október 2023. Verkið, sem var hluti af stærri innsetningu, spáði fyrir um þær þjáningar og nauðungarflutninga fólks sem nú hafa raungerst. Verkið er sýnt í Listasafni Íslands helgina 6. – 7. september, sem hluti af aðgerðum sem tengjast samstöðufundi með Palestínu „Þjóð gegn þjóðarmorði“.

Fransk-egypski listamaðurinn El Ansari yfirgaf heimili sitt í Kaíró í kjölfar óeirða í Miðausturlöndum og Norður-Afríku sem tengdust arabíska vorinu. Í starfi og myndlist hefur El Ansari unnið náið með málefni útlegðar og brottflutnings, mannréttinda og mannhelgi, ásamt hugmyndum um heimili og heimaland.

Í myndbandinu flytur súdanska skáldið, rithöfundurinn og aktívistinn Moneim Rahama (sem nú er í útlegð í Frakklandi) ljóðið Ekki lengur, sem hann samdi 23. október 2023 og fjallar um að vera sviftur eignum og gerður brottrækur frá heimili sínu. Raddupptakan er lögð yfir hljóðverk eftir Adam Świtała. Myndbandið samanstendur af myndverkum sem El Ansari skapaði í tengslum við eigin reynslu og frásagnir fólks sem orðið hefur fyrir nauðungarflutningi.

Listamaðurinn þakkar Moneim Rahama, Adam Świtała, Piotr Pawlus og Rania Berro fyrir samstarfið. Verkið var unnið með styrk frá Myndstefi.

Ath. Verkið verður til sýnis á listaverkstæðinu á Fríkirkjuvegi, gestum að kostnaðarlausu. Hlé verður gert á sýningu frá 14 til 16 á laugardag á meðan Krakkaklúbburinn stendur yfir.