![](/_next/image/?url=https%3A%2F%2Fimages.prismic.io%2Flistasafn-islands%2Feb1ed8e3-9256-4c3e-8285-58261f476249_Kynningarmynd-Vi%25C3%25B0%2Bsj%25C3%25A1um%2B%25C3%25B3v%25C3%25A6nt%2Babstrakt.jpg%3Fauto%3Dcompress%2Cformat&w=3840&q=100)
Gæðastund
mið
17. apríl
14:00—15:00
Við sjáum óvænt abstrakt
Leiðsögn sérfræðings
Á sýningunni er þremur hópum listamanna sem koma úr ólíkum áttum teflt saman, þar sem finna má samhljóm þeirra á milli. Listamenn sem komu fram á miðri 20. öld og unnu með hugmyndafræði abstrakt myndlistar, fatlaðir listamenn sem vinna óheft á flötinn í samtali við upplifun sína af heiminum og fleiri samtímalistamenn sem hlotið hafa formlega menntun í myndlist og vinna meðal annars með abstrakt myndverk.
Gæðastundir
Gæðastundir eru viðburðir sem ætlaðir eru fólki á besta aldri, 67+. Viðburðirnir eru samsettir af sérsniðnum leiðsögnum og spjalli við sérfræðinga safnsins um myndlist, yfirstandandi sýningar og starfsemi.
Viðburðirnir skapa tækifæri fyrir gesti til að nálgast myndlistina og menningararf þjóðarinnar á margvíslegan hátt. Ávallt er boðið upp á kaffi og meðlæti á gæðastundum í Listasafni Íslands. Bakkelsið er í boði Brauðs og Co sem styrkir verkefnið.
Aðgangseyrir á safnið gildir.