Krakkaklúbburinn Krummi

Prinsessusmiðja í garðinum
Í höggmyndagarðinum við hús Listasafns Einars Jónssonar er falleg stytta með prinsessu sem sefur í hörpu. Styttan tengist sögunni um Sigurð Fáfnisbana. Við skoðum styttuna frá öllum sjónarhornum og búum til okkar eigin útgáfu af henni. Öll sem vilja mega koma í prinsa eða prinsessubúningum. Í hvernig hljóðfæri myndir þú vilja sofa?

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi.