Steina – Málþing
fös
3. okt
13:00—17:00
Boð og endurómur: Málþing til heiðurs Steinu
Á málþinginu sem skipulagt er af Listasafni Íslands og Listasafni Reykjavíkur, koma saman innlendir og erlendir fræðimenn og ræða brautryðjendastarf Steinu og varanleg áhrif hennar á sviði rafrænna miðla.
Málþingið er haldið í tilefni sýningarinnar Steina: Tímaflakk, sem skipulögð er af MIT List Visual Arts Center í samvinnu við Buffalo AKG -listasafnið. Sýningarstjórar eru Natalie Bell (MIT List Visual Arts Center) og Helga Christoffersen (Buffalo AKG-listasafnið)
Dagskrá
13:05 – 13:20 – Safnstjórar
Opnunarávarp safnstjóra, grunnur lagður að viðfangsefni málþingsins.
13:20 – 14:00 – Larisa Dryansky
Larisa Dryansky kannar einstaka stöðu Steinu Vasulka sem frumkvöðuls í þróun vídeólistar með áherslu á framlög hennar og áhrif á miðilinn.
14:05 – 14:25 – Helga Christofferson og Natalie Bell
Sýningastjóratvíeykið Helga og Natalie kynna ramma þeirrar hugmyndafræði sem liggur að baki sýningarinnar og segja frá sínu rannsóknarferli sem sýningarstjórar.
Hlé – 15 mínútur
14:40 – 15:00 – Chris Hill
Chris Hill fjallar um áralangt samstarf sitt við Steinu og segir frá því skapandi og tilraunakennda andrúmslofti sem mótaði fyrstu verk Steinu og Woody Vasulka.
15:00 – 15:20 – Lenka Dolanová
Lenka Dolanová kynnir rannsókn sína á tækninýjungum Steinu og Woody Vasulka og tilraunakenndum nálgunum og aðferðum þeirra við vídeólist, eins og fjallað er um í bók hennar Dialogue with the Demons of the Tools.
15:20 – 15:40 – Sigríður Regína Sigurþórsdóttir
Sigríður Regína ræðir um doktorsrannsókn sína um Vasulka Stofu – sem er miðstöð fyrir raf- og stafræna list á Íslandi.
15:40 – 16:00 – Margrét Elísabet
Margrét Elísabet rannsakar tengingu Steinu við íslensku listasenuna, áhrif hennar á heimamenn og hvernig hún hefur innlimað íslenska náttúru og umhverfi í listsköpun sína.
Hlé – 15 mínútur
16:15 - 17:00 – Pallborðsumræður um tækninýjungar.
Æsa Sigurjónsdóttir stjórnar pallborðsumræðum og eru þátttakendur Jennifer Helia DeFelice, Joey Heinen, Chris Hill, og Sirra Sigrún Sigurðardóttir. Umræðan mun snúast um áhrif Steinu á samtímalistina og þróun á hlutverki nýmiðla.
17:00 Lokaávarp - safnstjórar
Lokaávarp og hugleiðingar frá safnstjórum.
Móttaka og léttar veitingar að viðburði loknum.
Skráning
Ýtið hér