Krakkaklúbburinn Krummi

Stórafmæli

Í tilefni 140 ára afmælis Listasafns Íslands verður farið í leiðangur um afmælissýningu safnsins þar sem ólíkar stefnur og stílar koma við sögu. Verk og listamenn sýningarinnar veita okkur innblástur í skemmtilegri og skapandi listasmiðju á Töfraverkstæðinu.  

Krakkaklúbburinn Krummi stendur fyrir fjölbreyttri og skemmtilegri dagskrá í hverjum mánuði þar sem kátum krökkum er boðið að fræðast um listaverkin í safneign Listasafns Íslands, skapa listaverk og leika sér í nærandi umhverfi.

Með stofnun krakkaklúbbsins vill Listasafn Íslands veita börnum og fjölskyldum þeirra tækifæri til þess að njóta góðra stunda saman á safninu. Dagskráin er vönduð og öllum er velkomið að taka þátt, sér að kostnaðarlausu.

Merki krakkaklúbbsins er fengið út barnabókinni Rauði hatturinn og krummi eftir Ásgerði Búadóttur myndlistarmann.