Dægursveifla

Sveiflur vísa til endurtekinnar hreyfingar á einhverju milli tveggja staða, fram og til baka. Á hverjum sólarhring eiga sér stað sveiflur á milli flóðs og fjöru. Sveifla getur verið reglubundin hreyfing sem endurtekur sig reglulega, eins og sínusbylgja, sem er bylgja með ævarandi hreyfingu. Sveiflandi hreyfing á sér stað um jafnvægispunkt eða meðalgildi. Það er einnig þekkt sem regluleg hreyfing. Ein sveifla er algjör hreyfing, hvort sem er upp og niður eða fram og til baka eða yfir tímabil.

Í gegnum tíðina hefur Kristinn E. Hrafnsson kannað fyrirbæri eins og tíma, rými, orku og jafnvægi. Hann hefur einnig haft sérstakan áhuga á að kanna áhrif himintungla og annarra umhverfisþátta á daglegt líf okkar. Verkið sem hér er fjallar um dægursveiflur, það er reglulegar breytingar sem eiga sér stað í náttúrunni á einum sólarhring og eru í takt við snúninga jarðar umhverfis sólu. Slík fyrirbæri eru á sama tíma bæði stöðugt ástand vegna endurtekningar og breytilegt þar sem hver sveifla er einstök. Skúlptúrinn sem við sjáum hér á veggnum er teiknaður eftir ákveðinni sveiflu en er í raun fulltrúi fyrir hvaða dægursveiflu sem er.