Klettar 9

Verk Ragnheiðar Jónsdóttur einkennast af rökfestu og nánd. Nálægðina skynjar áhorfandinn í myndskipuninni og persónulegri túlkun landslagsins þar sem blæbrigði lita skapa hrynjandi sem minnir á upplag listakonunnar og bakgrunn í tónlist. Í verkinu Klettar 9 koma fyrir bláir og hvítir litir með tónrænu ívafi og örlitlu af heitum rauðum lit sem kallast á við bláu tónana og skapar gullvægt jafnvægi milli spennu og kyrrðar. Sérstaða Ragnheiðar fellst í innsæi hennar og ferskri sýn á náttúruna þar sem ögun hennar í tónlistinni hefur eflaust sitt að segja en hún hafði lokið námi í píanóleik.  Landslagið skipar veglegan sess í myndum hennar þá einkum heiðarlönd og vellir, klettar og klungur í forgrunni mót sjóndeildarhringnum sem ber við hátt á myndfletinum. Þessi huglægi kjarni verka hennar gefur þeim sérstöðu í íslensku landslagsmálverki. Segja má að liturinn sé undirstöðuhljómur í myndum hennar og ber glöggt vitni um hæfileika hennar á sviði myndlistar. Ragnheiðuri kom með ferskan blæ inn í íslenska landslagslist og myndlistarsenu þegar hún flutti heim frá Washington árið 1969. Vakti hún strax athygli fyrir fágað og persónulegt myndmál og ljóðrænan myndstíl í anda William de Kooning og Richard Deberkorn. RP

Ragnheiður Jónsdóttir Ream-Erfingjar, Myndstef