Undir berum himni - Með Suðurströndinni
Ásgrímur Jónsson
5.2.2016 — 16.9.2016
![Málverk eftir Ásgrím Jónsson frá 1915. Verkið heitir Múlakot í Fljótshlíð og sýnir konu við hús og landslag í kring.](/_next/image/?url=https%3A%2F%2Fimages.prismic.io%2Flistasafn-islands%2F9b9b9e03-177c-416b-94c7-ba900627dc9e_LI_0095%2BM%25C3%25BAlakot%2B%25C3%25AD%2BFlj%25C3%25B3tshl%25C3%25AD%25C3%25B0-%25C3%2581sgr%25C3%25ADmur%2BJ%25C3%25B3nsson.jpg%3Fauto%3Dcompress%2Cformat&w=3840&q=100)
Að loknu námi við Konunglega listaháskólann í Kaupmannahöfn hraðar Ásgrímur sér heim til Íslands, frelsinu feginn með tilhlökkun í hjarta. Helsti ásetningur hans var að tengjast landinu á nýjan leik og nýta áunna þekkingu til að mála náttúru landsins og tjá þannig ást sína á landi og þjóð. Fanga augnablikið, hina síhvikulu birtu og mála úti við að hætti „plein air“-málaranna frönsku og gullaldarmálaranna dönsku, en flestir kennarar Ásgríms, svo sem Frederik Vermehren, Otto Bache og Holger Grønvold, voru af Eckersberg-skólanum. C.W. Eckersberg (1783–1853) var einn dáðasti listmálari Dana og um tíma prófessor og skólastjóri Konunglega listaháskólans og eru heiðursverðlaun Akademíunnar kennd við hann. Við heimkomuna árið 1909 sækir Ásgrímur á æskuslóðirnar og síðan áfram austur í Skaftafellssýslur árin 1910, 1911 og 1912. Afrakstur þessara ferðalaga birtist í fjölmörgum olíu- og vatnslitamálverkum þar sem listamaðurinn túlkar hina tæru birtu á meistaralegan hátt. Á sýningunni eru bæði olíu- og vatnslitamyndir frá árunum 1909 til 1928.
SJÁ HÉR VERK AF SÝNINGUNNI Á HEIMASÍÐU SARPS
![Verk eftir Berlinde de Bruyckere , vera situr á háum stalli með sítt hár](/_next/image/?url=https%3A%2F%2Fimages.prismic.io%2Flistasafn-islands%2F58584c68-25de-4a91-a8f1-a3e3367ece1b_berlinde_Inge__prent.jpg%3Fauto%3Dcompress%2Cformat&w=3840&q=100)