Leikreglur
Elina Brotherus
16.2.2018 — 24.6.2018
![Ljósmynd eftir Elina Brotherus sem sýnir tvær manneskjur skoða þrjár appelsínur](/_next/image/?url=https%3A%2F%2Fimages.prismic.io%2Flistasafn-islands%2F67ebafe0-0195-438f-90de-3cb88fc950a6_orange-event_03_h800%2BElina%2BBrotherus.jpg%3Fauto%3Dcompress%2Cformat&w=3840&q=100)
16.2.2018 — 24.6.2018
Sýningarstjóri
Birta Guðjónsdóttir
Í samvinnu með
![](/_next/image/?url=https%3A%2F%2Fimages.prismic.io%2Flistasafn-islands%2F1b5c3fe0-47b1-4bbe-b7de-035fce90979d_TIPF_LOGO_X.png%3Fauto%3Dcompress%2Cformat%26rect%3D2%2C0%2C97%2C97%26w%3D100%26h%3D100&w=3840&q=100)
Listasafn Íslands sýnir ný verk eins þekktasta ljósmyndara samtímans, Elinu Brotherus.
Elina Brotherus (f. 1972 í Finnlandi) fæst að mestu við gerð sjálfsmynda og landslagsmynda. Í verkum Elinu má skynja sterka nálægð hennar sjálfrar en hún kemur fyrir í öllum ljósmynda- og vídeóverkum sýningarinnar, berskjölduð og hispurslaus. Verkin eru unnin á árunum 2016-2017 og einkennast af marglaga frásögnum sem sveiflast á milli kímni og trega. Í mörgum þeirra setur Elina sér leikreglur og fer eftir þeim innan ramma myndavélarinnar, sem er í senn leikfélagi hennar og sálarspegill.
Verk Elinu vöktu snemma athygli vegna nálgunar hennar á notkun ljósmiðla til endurspeglunar á tilfinningalífinu og leikriti hins daglega lífs. Hún kannar persónulegar en í senn sammannlegar upplifanir, sjálfsmyndina, tímahugtakið, nærveru og fjarveru ástarinnar.
Elina Brotherus nam ljósmyndun í Helsinki og býr í Finnlandi og Frakklandi. Hún hóf að sýna verk sín í lok 10. áratugarins sem hluti af hinum þekkta Helsinki School hópi ljósmyndara í Finnlandi og hafa verk hennar síðan verið sýnd víða, s.s. í Centre Pompidou í París; Neue Berliner Kunstverein í Berlín; Þjóðarlistasafni Finnlands Ateneum í Helsinki og Louisiana nútímalistasafninu í Danmörku. Verk Elinu voru sýnd í i8 Gallery í Reykjavík árið 2000 og á samsýningu í Gerðarsafni í Kópavogi árið 2006.
Sýningin var á dagskrá Ljósmyndahátíðar Íslands 2018
Ljósmynd: Elina Brotherus,Orange Event, 2017. Úr myndaröðinni Règle du Jeu / Leikreglur.
![](/_next/image/?url=https%3A%2F%2Fimages.prismic.io%2Flistasafn-islands%2F3755ddc6-c2e9-4f4f-b439-0bf978029154_Samfer%25C3%25B0amenn.jpg%3Fauto%3Dcompress%2Cformat&w=3840&q=100)