Muggur

Guðmundur Thorsteinsson

2.10.2021 — 14.2.2022

Listasafnið
Á myndinni er teiknuð mynd af Muggi og Kristínu Jónsdóttur vinkonu Muggs. Veggspjaldið var gert fyrir samsýningu þeirra  og er talið eitt af fyrstu veggspjöldum landsins.

Sagt var að allt sem Muggur snerti yrði að listaverki og mótaðist af hinum einstaka persónuleika hans

Klippimynd í bláum, appelsínugulum og brúnum tónum. Á myndinni eru þrír englar og nokkur tré án laufblaða.

Muggur 1891-1924

Sjöundi dagur í Paradís, 1920

LÍ-1085

Salur

1

2.10.2021 14.2.2022

Sýningarstjóri

Kristín G. Guðnadóttir

Sýningarhönnuður

Helgi Már Kristinsson

Verkefnastjóri sýninga

Vigdís Rún Jónsdóttir

Textar

Kristín G. Guðnadóttir

Guðmundur Thorsteinsson, alltaf kallaður Muggur, fæddist á Bíldudal 1891, en fluttist ásamt fjölskyldu sinni til Kaupmannahafnar 1903. Hann nam myndlist við Konunglega listaháskólann 1911–1915. Listferill hans að námi loknu spannaði einungis tæp tíu ár, en hann lést úr berklum 1924. Á stuttum ferli náði hann að skapa einstakan og persónulegan myndheim. Stíll hans var natúralískur og frásögn oftar en ekki í fyrirrúmi, verk hans einkennast af fjölbreytileika og leit að listrænu frelsi.

Muggur – Guðmundur Thorsteinsson

Ævintýraheimur Muggs

Á sýningunni verður leitast við að gera öllum þáttum myndsköpunar Muggs skil, en hún spannar vítt svið: landslag, sveitasælu og þjóðlíf á Íslandi, ferðaminningar frá framandi stöðum, svo sem sveitalíf í Noregi og skemmtanalíf í New York, þjóðsagna- og ævintýraheim þar sem fíngerðir prinsar og prinsessur dvelja í fögrum höllum, tröllaheima myrkurs og ógnar og náðarheim trúarinnar þar sem Kristur læknar sjúka.

Myndskreytingar Muggs við þjóðsögur eru oft með áherslu á skoplegar hliðar þeirra, enda er hann talinn fyrsti húmoristinn meðal íslenskra myndlistarmanna. Hann fann hugmyndum sínum farveg með ólíkum miðlum og aðferðum; teiknaði með blýanti, krít og penna, vatnslitaði, málaði með olíulitum, gerði klippimyndir úr pappír, bróderaði, saumaði og skar út í tré.

Sagt var að allt sem Muggur snerti yrði að listaverki og mótaðist af hinum einstaka persónuleika hans.

Stofnunum og einstaklingum sem eiga verk á sýningunni er sérstaklega þakkað fyrir liðsinnið.

15.3.2020 — 9.5.2022

Fjársjóður íslenskrar myndlistar

Safnið er opið alla daga frá 10 — 17