Ráðgátan um Rauðmagann og aðrar sögur um eftirlíkingar og falsanir

Samsýning

12.4.2025 — 14.9.2025

Listasafnið

Í safneign Listasafns Íslands leynast nokkur fölsuð verk sem hafa borist safninu með margvíslegum hætti. Undanfarin misseri hafa starfsmenn safnsins rannsakað þessi verk og hefur þá margt forvitnilegt komið í ljós. Markmið sýningarinnar er að auka vitneskju almennings um málverkafalsanir.

Á sýningunni verða sagðar níu sögur af fölsuðum verkum sem hafa ratað til safnsins með ýmsum hætti. Á sýningunni eru bæði verk fölsuð frá grunni og verk sem er breytt með falsaðri áritun auk ófalsaðra verka til samanburðar eftir fjóra af frumkvöðlum íslenskrar myndlistar.

Leiðsögn sýningarstjóra

Sýningarstjórinn Dagný Heiðdal og forvörðurinn Ólafur Ingi Jónsson taka á móti gestum og leiða um sýninguna Ráðgátan um Rauðmagann og aðrar sögur um eftirlíkingar og falsanir.

sun, 13. apríl 14:00—15:00

sun, 11. maí 14:00—15:00

Námskeið

Afhjúpun blekkingar — Um eftirlíkingar og falsanir

Með sýningunni Ráðgátan um Rauðmagann og aðrar sögur um eftirlíkingar og falsanir vill Listasafn Íslands stuðla að vitundarvakningu varðandi listaverkafalsanir hér á landi og kynna rannsóknaraðferðir sem varpa ljósi á uppruna verka.
Á námskeiðinu Afhjúpun blekkingar — Um eftirlíkingar og falsanir miðla sérfræðingar safnsins þekkingu sinni til þátttakenda þannig að þekking þeirra dýpki til muna á viðfangsefni námskeiðsins. Námskeiðið byggir á sögulegum staðreyndum sem og raundæmum úr safneign Listasafns Íslands.

Skráðu þig hér