Sviðsett augnablik

Samsýning

22.1.2022 — 8.5.2022

Listasafnið

Sýningin Sviðsett augnablik varpar ljósi á einn fjölbreyttasta safnkostinn í safneign Listasafns Íslands, sem er ljósmyndin.

Verkin spanna tímabilið frá áttunda áratug síðustu aldar til dagsins í dag og er lögð áhersla á að sýna fjölbreytilega notkun ljósmyndamiðilsins sem er bæði margslunginn og teygir anga sína í margar áttir. Staða ljósmyndunar sem listgreinar hefur eflst á síðastliðnum áratugum en lengi vel naut ljósmyndin ekki viðurkenningar sem fullgilt listaverk vegna fjölföldunareiginleika sem þóttu stangast á við hið einstaka og háleita í listum.

Salur

3

&

4

22.1.2022 8.5.2022

Sýningarstjóri

Vigdís Rún Jónsdóttir

Umsjón með fræðslu og viðburðardagskrá

Ragnheiður Vignisdóttir

Markaðs- og kynningarmál

Guðrún Jóna Halldórsdóttir

Forvarsla

Ólafur Ingi Jónsson

Nathalie Jacqueminet

Sviðsett augnablik

Á Íslandi má segja að með notkun hugmyndalistamanna á ljósmyndinni á sjöunda og áttunda áratug síðustu aldar hafi hún fyrst farið að njóta athygli sem myndlistarform. Í upphafi var ljósmyndamiðillinn notaður sem skráningarform á gjörningum þar sem ljósmyndin var ein til vitnis um framkvæmd verksins en jafnframt var hún markvisst sett fram sem listaverk í sjálfu sér, samanber ljósmyndaseríu Sigurðar Guðmundssonar, Situations, sem hann gerði á árunum 1971–1982.

Í þessum verkum er ljósmyndaverkið skilgreint sem listaverkið sjálft en á sama tíma lítur hann á verkin sem aðstæður, ljóð eða skúlptúra frekar en ljósmyndir.

Fimm vinnubílar að störfum í fjallshlíð

Pétur Thomsen 1973-

AL3_9a. Úr myndaröðinni Aðflutt landslag, 2003

LÍ-8643

Mikil gróska var í ljósmyndun á níunda og tíunda áratugnum sem má rekja til nýrrar kynslóðar ljósmyndara sem menntaði sig við erlenda listaháskóla. Fagurfræði hins hversdagslega varð áberandi myndefni á seinni hluta 20. aldar ásamt nýrri sýn á náttúruna og umhverfið. Í tengslum við framfarir stafrænnar tækni undanfarin tuttugu ár hefur ljósmyndin tekið róttækum breytingum og hlotið viðurkenningu sem listmiðill innan samtímalista. Í kjölfarið urðu ljósmyndaverk markviss hluti aðfanga listasafna og hefur Listasafns Íslands t.a.m. keypt ljósmyndaverk eftir fjölda samtímaljósmyndara og listamenn sem nota sér skrásetningarmöguleika ljósmyndatækninnar við að sviðsetja hugmyndir sínar og fanga hið rétta augnablik.

Myndasyrpa, þrjár myndir. Fyrsta myndin er af borði með hvítum borðdúk og blár veggur í bakgrunni. Önnur myndin er af manni sem er svartlitaður á hægri hlið og hvítlitaður á vinstri hlið frá toppi til táa, fyrir framan hann er borð með hvítum dúk og á dúknum eru nokkri gulir hænuungar. Þriðja myndin er af sama borðinu, með hvítum dúk og bláum formum er liggja ofan á dúknum, bakgrunnurinn er ljósgrár.

Sigurður Guðmundsson 1942-

Encore, 1991

LÍ-4899

Sýningin er í tveimur sölum og hverfist um tiltekin svið sem segja má að séu ríkjandi í ljósmyndaverkum samtímalistamanna og ljósmyndara á alþjóðavísu.

Málþing í tengslum við sýninguna Sviðsett augnablik

Listamenn:

Anna Hallin, Olga Bergmann, Árni Ingólfsson, Bára Kristín Kristinsdóttir, Bjargey Ólafsdóttir, Bjarki Bragason, Bjarni H. Þórarinsson, Daníel Magnússon, Erling Klingenberg, Gjörningaklúbburinn, Halldór Ásgeirsson, Hallgerður Hallgrímsdóttir, Hildur Hákonardóttir, Hlynur Hallsson, Hrafnkell Sigurðsson, Hreinn Friðfinnsson, Inga Svala Þórsdóttir, Wu Shanzhuan, Ívar Brynjólfsson, Jóna Hlíf Halldórsdóttir, Katrín Bára Elvarsdóttir, Katrín Sigurðardóttir, Magnús Sigurðarson, Ólafur Elíasson, Ólafur Lárusson, Ólöf Nordal, Pétur Thomsen, Roni Horn, Sara Björnsdóttir, Sigurður Guðmundsson, Sigurjón Jóhannsson, Sólveig Aðalsteinsdóttir, Spessi, Stefán Jónsson, Steingrímur Eyfjörð, Svala Sigurleifsdóttir, Tumi Magnússon, Valgerður Guðlaugsdóttir, Þorvaldur Þorsteinsson

7.2.2020 — 30.8.2020

Fjársjóður íslenskrar myndlistar

Safnið er opið alla daga frá 10 — 17, lokað á mánudögum yfir vetrartímann (1.10 — 30.4)