Um LISTAsafn ÍSLANDS
Listasafn Íslands er þjóðlistasafn og leggur megináherslu á 19. og 20. aldar list, íslenska og erlenda. Það á merkasta safn íslenskra verka hér á landi og eftir alla helstu myndlistarmenn þjóðarinnar. Það hefur einnig að geyma vaxandi safn erlendra verka eftir heimskunna listamenn, svo sem Pablo Picasso, Edvard Munch, Karel Appel, Hans Hartung, Victor Vasarely, Richard Serra og Richard Tuttle.
Listasafn Íslands heldur að staðaldri fjölbreyttar sýningar sem endurspegla listaverkaeign þess. Auk þess efnir það árlega til víðtækra sérsýninga á verkum íslenskra sem erlendra listamanna. Í tengslum við þær eru gefin út ítarleg og vönduð rit.
Í safnbyggingunum að Fríkirkjuvegi 7 eru nokkrir sýningarsalir á þremur hæðum, safnbúð og kaffistofa.
Í skrifstofubyggingunni að Laufásvegi 12 er sérfræðibókasafn með heimilda- og ljósmyndasafni og forvörsludeild.
FRÍKRKJUVEGUR 7, 101 REYKJAVÍK
MÓTTAKA
Sími 515 9620
SAFNBÚÐ
Sími 515 9610
KAFFISTOFA
Sími 515 9616
LAUFÁSVEGUR 12, 101 REYKJAVÍK
SKRIFSTOFUR
Sími 515 9600
BÓKA- OG HEIMILDASAFN
Sími 515 9603
FORVARSLA
Sími 515 9602
Listasafn Íslands fylgir grænum skrefum í ríkisrekstri. Markmið safnsins er að hafa jákvæð áhrif á umhverfi og samfélag með ákvörðunartöku sinni og þjónustu.