Listasafn Íslands býður upp á skapandi og spennandi myndlistarnámskeið fyrir börn í nýja
listaverkstæðinu í safninu við Fríkirkjuveg 7. Unnið verður út frá sýningum safnsins þar sem
listaverkin verða rannsökuð og áhersla lögð á að þjálfa lita- og formskynjun þáttakenda, sem fá svo
tækifæri til að nota ólíkan efnivið og vinna í margskonar miðla, eins og málun og skúlptúr.

Markmið námskeiðsins er að fá börn til að nálgast myndlist af meira öryggi og forvitni, þar sem
kennsla fer fram bæði gegnum upplifun, samræðu og vinnu í höndunum. Í lok námskeiðs verður
haldin sýning fyrir vini og fjölskyldu þar sem afrakstur námskeiðsins verður til sýnis.

Mælst er til þess að börn mæti í fatnaði sem hentar fyrir málningarvinnu, sull og gleði! 
Gott aðgengi fyrir öll.

14. janúar – 8. apríl 2025
Tími þriðjudagar milli kl. 15 – 16:30
Aldur 7 – 9 ára (börn fædd 2016 – 2018)

Verð: 53.000 kr.
Takmörkuð pláss í boði.

Skráning fer fram hér: https://www.abler.io/shop/frirvk/listasafn/product/Q2x1YlNlcnZpY2U6MzQ4MDM=?

Kennari: Marta María Jónsdóttir, myndlistarmaður og sérfræðingur hjá Listasafni Íslands

Art Can Heal

Málþing um listmeðferð til heiðurs Sigríði Björnsdóttur

14:00
Ávarp
Ingibjörg Jóhannsdóttir, safnstjóri

14:10
Art Can Heal
Ágústa Oddsdóttir, kennari, myndlistarmaður og höfundur bókarinnar Art Can Heal. The Life and Work of Sigríður Björnsdóttir. Egill Sæbjörnsson, myndlistarmaður og yfirumsjónarmaður bókarinnar.

Fjallað verður um tilurð bókarinnar Art Can Heal en í henni eru ævi og störfum Sigríðar Björnsdóttur gerð skil. Höfundur bókarinnar, Ágústa Oddsdóttir, lýsir þeim áhrifum sem listmeðferð Sigríðar hafði og hvernig hún vann að þeim hugmyndum og viðhorfum sem lágu að baki fræðum hennar.

14:30
Unchartered path that links art, medicine and mental health
Abigail Ley, listfræðingur og barnataugalæknir / Abigail Ley, MD, MA, paediatric neurologist and art historian, Medical Director of Neurodevelopmental Conditions Program at Nicklaus Children’s Hospital, Miami, FL

Abigail Ley fjallar um áhrif listmeðferðar á börn sem eru að vaxa og þroskast, þá sérstaklega þau jákvæðu áhrif sem meðferðin hefur á hegðun og andlega líðan. Í erindinu ræðir Abigail m.a. um ný klínísk rannsóknargögn og setur þau í samhengi við einstök dæmi sem Sigríður lýsir í bókinni Art Can Heal.

15:50
Kaffi

16:00–16:45
Pallborðsumræður